پرڏيهي امداد جي حوالي سان، هي اصطلاح عام طرح اُسريل مُلڪن طرفان امداد ملندڙ مُلڪن ۾ امدادي سرگرمين، دائرن ۽ مقصدن جي حوالي سان اُٿندڙ عوامي ناراضگي ءَ کي ظاهر ڪرڻ لاءِ استعمال ٿيندو آهي. ان صورت ۾ اُسريل مُلڪن طرفان غريب ملڪن کي ڏنل امدادي سرگرمين جو ٻيهر تنقيدي جائزو وٺي، اُن کي آمريڪا طرفان يورپ کي ٻي عالمي جنگ کان پوءِ ڏنل امداد وانگر بامقصد ۽ ڪامياب بنائڻ لاءِ اُپاءَ ۽ ساڳئي قسم جا معاشي ۽ سياسي نتيجا وٺڻ جي هدايت ڪئي وڃي ٿي، ان صورت ۾ امداد وٺندڙ مُلڪ جي حُڪومت نه رڳو امداد ۾ ٿيل گهوٻين کي ٻنجو ڏيڻ لاءِ پابند ٿي وڃي ٿي، پر ساڳي وقت امداد ڏيندڙ ملڪ جي مڪمل سياسي اطاعت کان به ٽهندي آهي. اُسرندڙ مُلڪن کان ملندڙ امداد جا شرط اِنهن مُلڪن ۾ 1970ع ۽ 1980ع جي ڏهاڪن ۾ آيل معاشي بُحرانن کان پوءِ ڏينهون ڏينهن وڌيڪ سخت ٿي رهيا آهن. ”ٿڌي ويڙهه“ دوران هيءُ مسئلو وڌيڪ شديد ٿي ويو ۽ ڪن علائقن (خاص طور صحرائي آفريقا) ۾ سياسي ۽ معاشي متڀيد ۽ پرمار جي ڪري صورتحال تمام گهڻي خراب ٿي آهي. ڪن عالمن جو خيال آهي ته قيامت خيز ملندڙ مالي مدد ملڻ ۽ ڏکيائي دراصل ڪن غريب قومن طرفان فقط ٻين تي ڀاڙڻ ۽ امداد جي آسري تي لڏو لاهڻ وارن روين جو علاج به ٿي سگهي ٿي